Tuesday, March 25, 2014

Kamay ni Satanas Komiks No. 1

Mula sa panulat ni Pedrito Reyes, dibuho ni Jesus Ramos at pambubulastog ko, Kamay ni Satanas Komiks #1.
1
2
3



Thursday, March 20, 2014

Obscure Bible Verses #14: 2 Kings 2: Nag-summon ng dalawang oso si Elisha para parusahan ang mga batang nang-aalaska sa kanya


Magtaas ng kamay ang hindi nakantyawan ni isang beses sa buong buhay. Sinumang nagtaas ng kamay e malamang na hindi dumaan sa elementary at high school. Bahagi ng buhay ang paminsan-minsan e naalaska ka sa iyong timbang, kakulangan ng katangkaran, itsura, kulay ng balat, pagkamaralita, atbp. Sa mga pagkakataong iyon malamang e gumanti ka na laang at nangantyaw rin o kung pikon ka e nakipagsuntukan.

Pero itong ating propetang is Elisha e hindi palalampasin ang sinumang mang-aasar sa kanya dahil kanyang panot na ulo. Kahit na bata. Hindi uso sa kanya ang 'Pagpasenyahan na't bata...' Pag me lumoko-loko sa kanya, hindi sya mag-aalok ng kabilang pisngi, dahil hindi pa ito itinuturo at napapauso ni Hesus.

Sino si Elisha? 


Tandaan ang hairdo nya at mahalaga ito sa kwento.
Napili ni Elijah (yung propetang nakipagpaligsahan sa 250 propeta ni Baal ng fire bringing contest) si Elisha bilang magiging kapalit niya sa pagpopropeta. Bakit sya ang napili? Dahil ba magkatunog ang kanilang pangalan? Ewan. Kakalito siguro pag nag-uusap ang mga Hudyo noon pag nagpapatawag ng propetang gagamot. 


Isa sa mga karaniwang araw sa pagpopropeta ni Elisha noon.

Nag-OJT si Elisha ke Elijah nang mga walong taon at lumikha ng sarili niyang pangalan, ala-Nightwing ke Batman. Nakapagpagaling sya ng mga ketongin, nakapagparami ng tinapay bago pa magawa at madaig ni Hesus ang record ng "Most Loaves of Bread Multiplied" at nakapagmultiply ng langis na syang magiging core gimmick ng kasalukuyang konggregasyon ng mga 'Siksik, Liglig, Umaapaw' ni Velarde. Nakabuhay rin sya ng isang namatay sa heat stroke at isa pang nirereserba ko sa ibang isyu.  

Ang Pagkapikon

Paanong ang isang miracle wonder man na kagaya ni Elisha e mapipikon? Katatapos laang nyang maghimala noon at ginawa nyang malinis para mainom ang isang bukal -plus one sa kanyang resume. Papunta syang Bethel noon at merong ilang batang nang-asar sa kanya't sinabing, "Tsupi, Kalbo! Tsupi, Kalbo!" Pagod ba sya noon at wala sa mood makipagbiruan? Feeling unappreciated ba sya dahil matapos nyang maghimala para sa pangalan ng Panginoon e pang-aasar ang inabot nya sa halip na parangal? At malupet ang sumunod na pangyayari.

Anong kanyang ginawa? Binato nya ba ang mga nangungulet sa kanyang bata? Hinde. Dahil hindi uso ke Elisha ang magbilang hanggang sampu hanggang sa mawala ang init ng panot na ulo, nag-summon sya ng dalawang oso para patayin ang mga paslit. Apatnapu't dalwang bata lahat-lahat. Gamit ang pangalan ng Panginoon. Nagdasal sya't pinagbigyan ng Dios. Apatnapu't dalawang bata - patay dahil sa pang-aalaska. 

Ano ang ginawa nya pagkatapos? Anong naramdaman nya? Nagtrash talk pa ba sya o nagbitaw ng one-liner, gaya ng mga kapatid ni Dinah? Hindi. Dumiretso laang sya sa Samaria, gaya ng plano nya. 


"23 From there Elisha went up to Bethel. As he was walking along the road, some boys came out of the town and jeered at him. “Get out of here, baldy!” they said. “Get out of here, baldy!” 24 He turned around, looked at them and called down a curse on them in the name of the Lord. Then two bears came out of the woods and mauled forty-two of the boys. 25 And he went on to Mount Carmel and from there returned to Samaria."
At walang sinabi sa libro kung anong naramdaman nya. Nagsisi ba sya? Natuwa ba sya sa pagkamatay ng mga pesteng bata? Walang sinasabi. At bakit wala ring sinasabi sa kwento? Ordinaryong pangyayari laang ba ito sa sinaunang panahon?  

Para ke Elisha, isa laang itong stopover para sa kanyang tinatahak na daan papuntang Mt Carmel at pabalik Samaria. Ang hindi ko maintindihan e kaya nyang bumuhay ng patay, pero hindi nya kayang maghimala't palaguin at pahabain ang kanyang buhok ala-Absolom. 


Monday, March 17, 2014

Obscure Bible Verses #13: Ezekiel 23:19 Mga kalahi ni Totoy Mola sa bibliya

Sa blockbuster na libro ng Dios, kapag gustong niyang ipakita ang kanyang pagmamahal, gumagamit sya ng mga simbolismo. Siguro dahil hindi pa uso ang Hallmark cards at pagpapadala ng isang bouquet of flowers. Gaya sa Hosea, ginamit ng Dios ang puta bilang simbolo ng kataksilan ng Israel sa Dios. Sa Hosea e inatasan niya ang propetang si Hoseang mag-asawa ng puta para ilarawan ang pagmamahal niya sa Israel at kung paanong kahit ang isang puta e kayang mahalin ng Dios. 

Sa kwentong ito e inihahambing ng Dios ang kataksilan at pagkasalawahan ng Israel at Judah sa dalwang magkapatid na patotot na binansagan niyang Oholah na sa wikang Hudyo e 'her tent' at Oholibah na 'my tent is in her'.  

Matapos ang mga kabanata tungkol sa mga mala-bangungot na visions, paghilata nang patagilid nang higit isang taon, pagluluto gamit ang etsas bilang panggatong sa harapan ng mga tao, kumambyo ang librong Ezekiel at nag-ala Xerex Xaviera on crack sa kabanatang ito. Kung ang Hosea e love story, ang Ezekiel 23 naman e bible version ng The Unfaithful Wife (o Wives)Inilalarawan ang kalibugan ng magkapatid na Oholah at Oholibah at kung paanong sila e nagpa-gangbang sa mga Egyptians, na kung matatandaan nyo e ang mga kalaban sa Prince of Egpyt at The Ten Commandments. 
1 like = 1000 prayers for an Ezekiel 23 movie.
Namumutiktik sa mga imaheng pwedeng gamiting script sa porno ang kabanatang ito para ilarawan ang idolatry o pandyo-dyos sa mga diyos-diyosan ng Israel at JudahKung gustong magpalipas ng oras at magpainit ng mga Hudyo noon, sumusulpot sila sa lugar kung saan merong nangangaral ng galit ng Dios dahil hindi pa uso ang bold magazines, Abante at internet. 
Ang porno ng mga Israelita noong araw.
Ilan sa mga piling berso: 
"They became prostitutes in Egypt, engaging in prostitution from their youth. In that land their breasts were fondled and their virgin bosoms caressed." Kailangan pa talagang sabihing nagpalamas ng suso? Hindi pwedeng sabihing sa Egypt sila nagpadonselya?
"She did not give up the prostitution she began in Egypt, when during her youth men slept with her, caressed her virgin bosom and poured out their lust on her." Hindi laang ito ang pagkakataong binanggit ang money shot at bukkake sa bibliya!   
"17 Then the Babylonians came to her, to the bed of love, and in their lust they defiled her." Gangbang sa bibliya! 
Nasa pages 69-115 ang hinahanap nyong kwentong isinalarawan ni Rey Arcilla.
At ang pinakamalupet rito e ang tungkol sa mga taga-Ehiptong meroroong malalaking mala-Totoy Molang kargada at kasindami ng sa kabayo kung bumuga. Ganun pala kalaki ang mga Egyptians? Ganung karami rin pala ang similya nila? Kung ako e ipinanganak na Egyptian sa panahong ito, ipapatato ko sa braso ko ang bersong ito, Ezekiel 23:19-20, para ipaalam sa lahat na ang aming lahi e meroroong uteng ganoong kalaki at meron kaming ganung sandamakmak na punlay na pwedeng ipamahagi sa kababihan. 

Kungsabagay, kumpara sa kwento ni Abraham, mas maikukwento ko sa anak ko ito.

Ang hindi ko laang mawari sa bersong ito e kung naiiinggit ba ang Dios na malalaki ang kargada ng karibal niya. Bakit niya sinasabing pinagpapantasyahan ng magkapatid ang mga dati nilang kaulayaw na meroroong malalaking tarugo? Hindi ba dapat e mas malaki sya run at hindi na kelangang mabahala sa mala-asnong uten ng mga dyus-dyosan dahil sya ang Dios na lumalang ng lahat, pati na pagbibigay ng ari? Teka, ang sinasabi kong mga ari rito e simbolo ng kapangyarihan, pagmamahal, o kung anumang gustong isagisag dapat ng mga uteng iyon, hindi aktwal na naghuhumindig na pagkalalake.

Lumalabas bang hindi nasisiyahan sina Oholah at Oholibah sa kanilang 'asawa'? Kasi kung masaya naman sila sa kanilang asawa, hindi na aalalahanin pa ang mga lalaking mala-mola. Kungsabagay, ano nga ba magagawa mo kung ang susundan mo e si Ron Jeremy o kaya e isang 7-footer na NBA player? Teka, simbolismo pa rin ang pinag-uusapan natin, hindi aktwal na pagtatalik sa mga higanteng ari.  

Sa kabanatang ito e hihiyain ng Dios ang Israel at Judah at huhubdan, ipapahamak sa mga dati nitong kaulayaw at... alam nyo na ang kasunod, basic Old Testament rage at bloodlust.  
"49 You will suffer the penalty for your lewdness and bear the consequences of your sins of idolatry. Then you will know that I am the Sovereign Lord."

Sige na nga, Sovereign Lord na nga. Hetong clip sa The Meaning of Life ng Monty Python tungkol sa punto kong ito tungkol sa paligsahan ng palakihan. 

 




Monday, March 10, 2014

Obscure Bible Verses #12: Ezekiel 4: 12: Inutusan ng Dios si Ezekiel na magluto gamit ang ebs ng tao bilang panggatong


Kamakailan laang e kumalat ang isang pekeng balitang merong misteryosong sakit na kumakain ng balat ng tao sa Pangasinan. Ikinakabit nila nang pilit ang leprosy at psoriasis sa isa sa mga hula ng isang Bumbay na propeta. Tanda raw na ba ito ng darating na Pagwawakas? Bago pa ang propetang itong bumisita sa Araneta e meron nang mga propetang ipinadala ang Dios para ipamahagi ang walang kamatayan niyang blackmail, este, mensahe: Mahalin nyo ako o kung hinde...

Ito e mababasa sa libro ng Ezekiel. Hindi magpapahuli sa Revelations ang mga imahe sa libro ni Ezekiel, na isa sa mga pinakamalulupet na propeta. At gaya ng ibang propeta, naatasan ng Dios si Ezekiel na ipamuka sa Israel ang kanilang kasamaan at pagtalikod sa kanya. Kung anu-ano ang inutos sa kanya ng Dios para gawin para maipadala ang mensahe sa Israel na magbago, magbalik-loob at talikdan ang mga karibal na diyos. 
Pwedeng pam-PSA ang mga imaheng ito para ilayo kayo sa bad trip ng droga.
Pinaahit sa kanya ang buhok nya at pinasunog ang ilan at pinasaboy sa kung saan-saan ang iba para ilarawan ang mangyayaring pagkapuksa at pagkakawatak-watak ng Israel. See, simbolismo?! Parang buhok ni Ezekiel e matutupok at magkakawalay-walay ang mga Hudyo. 

Pinakain pa sya ng kalatas na ayon sa ke Ezekiel e kasingtamis naman ng pulot. Kung nagtataka ka kung bakit kakain ng kalatas ang isang taong nasa katinuan, tanungin mo ang sarili mo: Pag merong lumawit na higanteng kamay sa langit at inabutan ka ng kalatas, magagawa mo bang sumuway? Kung ako yun, malamang e magtatanong na laang ako kung merong toyo't suka. 

Kung tinatanong mo rin kung bakit hindi na laang basahin ang mensahe sa kalatas sa halip na kainin ang papel? Kaya ka tao at hindi diyos e dahil sa ganyang mentalidad mo. Asan ang magic run kung babasahin laang? Isa pa, ilang segundo laang ang kumain ng papel kesa magbasa nang ilang minuto. Hindi mo ba naiisip minsang mas madali laang ang lahat kung pwedeng maintindihan ang text books mo kung kakainin sa imbes na basahin?  

Pinahiga rin sya ng 390 araw nang patagilid sa kaliwa, isang araw katumbas ng bawat isang taong pagkakasala ng Israel. At 40 na araw sa kanan rin, 1 day = 1 year rin ang computation. Lampas ng isang taon, mantakin mo! Lahat ng mga pinag-utos sa kanyang ito e mga metapora sa kataksilan ng Israel. At dito papasok ang pagluluto na ang gamit e ebs. 


430 days = 430 years, watak-watak na buhok = watak-watak na Israelita, atbp. May ibig sabihin rin kaya ang palandong sa ulo?  
Ito e para ilarawan sa mga Israelita ang tungkol sa pagdating ng paghihirap at paglagpak ng Israel dahil sa kanilang pagkakasala. Para sa konteksto, hetong Ezekiel 4:9-15: 
“Take wheat and barley, beans and lentils, millet and spelt; put them in a storage jar and use them to make bread for yourself. You are to eat it during the 390 days you lie on your side. 10 Weigh out twenty shekels[a] of food to eat each day and eat it at set times. 11 Also measure out a sixth of a hin[b] of water and drink it at set times. 12 Eat the food as you would a loaf of barley bread; bake it in the sight of the people, using human excrement for fuel. 13 The Lord said, “In this way the people of Israel will eat defiled food among the nations where I will drive them.”
14 Then I said, “Not so, Sovereign Lord! I have never defiled myself. From my youth until now I have never eaten anything found dead or torn by wild animals. No impure meat has ever entered my mouth.
15 “Very well,” he said, “I will let you bake your bread over cow dung instead of human excrement.” 
Kung ako sa inyo e babasahin ko ang buong kabanata o buong libro. 

Ito e banta sa hahantungan ng Israel pag nagpatuloy sila sa pagkakasala. Babagksak sila sa kamay ng mga kalaban nila at sa sobrang paghihirap e wala silang magagamit na panggatong sa pagkain nila, kundi ang mismong ebs nila. At bakit hindi na laang isadula ang mensaheng ito sa halip na literal na magluto sa harapan ng balana gamit ang panggatong? Dahil hindi pa ipinapanganak si Rusell Crowe? 

Ibang panahon, ibang paraan. Siguro kung sa panahon natin e mas epektib ang kumbinasyon ng Bumbay, Bandila, YouTube at social media para makaabot sa sensibilidad ng mga ulaga, e baka ang magpadala ng taong grasa ang mas epektib noon. Ewan ko rin dahil muka namang wa epek.

Nagbunga ba ang paghilata nang patagilid at pagluluto sa etsas ni Ezekiel para mapagbalik-loob ang mga Israelita? 

Aba'y hinde. Nagpatuloy ang Israel sa kanyang makasalanang pamumuhay at bumagsak ito sa pangkukubkob ng mga dayuhan. Pero, masisisi mo ba ang mga Israelita? Imagine-in mong nasa Quiapo ka at meron kang nakitang ganitong lalaking nakahandusay sa kalsada at kumakain ng lutong-etsas na pagkain, makikinig ka ba? Kung sa imbes na wirdong metapora at kwestyunableng itsura ng kanyang mensahero e dalawang lalaking nakapolong puti at naka-neck tie na itim ang pinadala niya e makikinig ka kaya. Tanong: Kelan ka nagpapasok sa bahay mo ng isang Kano at isang Pinoy na ganito ang suot para pag-usapan ang Dios?  


Naiimagine mo ba kung gaanong kabigat na paghihirap ang daranasin mo kapag sinuway mo ang Dios? Handa ka na bang kumain ng pagkaing lutong sa etsas? 

Kaya't Pinas, sa halip na mga lindol, bagyo at sakit sa balat ang kinatatakutan nyo, e itong babala ni Ezekiel na laang nag pakinggan nyo: Humingi ng kapatawaran, magtika at magbalik-loob sa Dios - kung ayaw nyong magluto sa tae!