Obscure Bible Verses #16. To be or not to be... circumcised? Tanungin ang Bibliya!

Bakasyon na sa Pinas at alam ng lahat na panahon ito ng pagsuswimming, pagbabakasyon sa mga probinsya at pagpapatule o pagsuswimming sa dagat matapos magpatule sa probinsyang pinagbabakasyunan. Ito kasi ang pinakamagandang panahon para magpagaling ng sugat kesa umabsent ka sa mga buwang merong klase o kaya kung kelan Xmas break. Teka, uso pa ba ang maglanggas gamit e e pinakuluang tubig na merong dahon ng bayabas at asin?    

Sa Kristyanismo (oo, Kristyano rin ang mga Katoliko), hindi naman inoobligang magpatuleng gaya ng mga Hudyo. Pero, kung tumubo na ang damo sa paligid bago lumabas ang ulo ng ahas mo, at nahihiya ka kaya ka naghahanap ng kakamping berso sa bibliya para malaan kung dapat ka ngang magpatule, ating alamin ang mga verses tungkol rito. 

Dapat ba tayong magpatule? 

Sabi sa Genesis 7:11 e kailangang gawin itong pagpapatule bilang tandang tayo e anak ng Dios at hindi  nabibilang ke Taning. Isa itong covenant sa pagitan ng Dios at tao. Bukod sa binyag, kumpil at iba pa, dapat ring ginagawa ito ng isang Kristyano ayon sa Genesis.

Kung bakit e ewan ko. Bakit gusto ng Dios na ipatanggal ang 'sobrang' balat na ito sa ari ng mga lalake? Bakit hindi na laang niya nilikha ang mga tayong wala nun? Matapos niyang likhain mula sa lupa si Adan, bigla na laang niyang naisip na, "Teka, mukang mas maganda kung kita ang ulo ng uten." Ganun ba 'yun o gusto nya talagang magpakita tayo ng commitment sa pagpapakita ng ating pagmamahal at pananampalatay sa kanya sa pamamgitang ng mutilation? Parang shotang gusto e patunayan mo ang pagmamahal mo sa kanya at me ipapagawa sa iyong kung anu-ano. Palaisipan rin sa akin.

"11 And ye shall circumcise the flesh of your foreskin; and it shall be a token of the covenant betwixt me and you. -Genesis 7:11"

Nung panahong ito e sa Lumang Tipan e talagang tanda ito ng pagiging anak ng Dios. Sa kwento ng Dinah at ng mga Shechemites, hiniling ng naagrabyadong partido ni Dinah na magpatule ang mga Shechemites kung gusto nilang magkaroon ng kasal sa magkabilang panig. Ayaw tanggapin ng mga kapatid ni Dinah ang kabilang tribu kung mananatili silang mga supot. Mababasa ang malupet at madugong labanan at katapusan niyon dito. 

Kelan ba dapat magpatule?

Dapat ay walong araw pagkapanganak sa bata e pinapatasahan na. Kung saan hinugot ang walo, hindi ko rin alam. Bakit hindi ika-pito dahil magandang numero iyon at ibig sabihin e isang linggo? At paboritong numero pa ng Dios iyun. Dun sa ika-pitong araw rin sya nagpahinga, 'di ba?

Please DON'T try this at home.

Paano ang mangyayari sa mga hindi matutule?

Itatakwil sila ng konggregasyon dahil sa katigasan ng ulo (sa itaas, hindi ibaba) dahil ayaw nilang sundin ang kalooban ng Dios na makita ang bawat ari ng mga lalaki sa sanlibutan na walang talop.   

"14 And the uncircumcised man child whose flesh of his foreskin is not circumcised, that soul shall be cut off from his people; he hath broken my covenant. -Genesis 4:14"

Hindi laang mga bullies sa high school ang magiging problema ng mga supot kung gayon,  kundi pati ang pag-aaral na lumangoy sa dagat-dagatang apoy o DDA. 

Dahil laang ayaw mong patuleng duwag ka.

Teka, paano kung nalampasan na iyung walong araw, pwede pa bang i-extend ang deadline? Kunwari e nagkasakit ang manunule, hindi na pwede?

At kapag tatakpan mo ang mg mata mo, kelangang merong lalaking pipigil sa mga kamay mo.

Ang mga taga-Ehipto noon e nagpapatule kapag sila e nasa hustong edad na. Pero, hwag nating gawing huwaran ang isang liping nilunod ng Dios sa Red Sea dahil ayaw nilang palayain ang mga Hudyo, kahit pa sabihin nating kilala sila sa pagmamay-ari ng mga uteng kasing-laki ng ke Totoy Mola.

Pero, meron kayong magagamit na precedent, si Abraham. Si Abraham na tinuturing na Ama ng mga Hudyo, e tinagpasan ng 'sobrang' balat nung sya e 99 years old na. Sumabay laang sya sa anak nya noong ito e trese anyos. 

Hwag ka nang papaabot ng 99 years old at base sa updated kong statistics na nakuha ko 10 years ago e 67.5 years old ang life expectancy ng mga Pinoy na lalake. Kundi e matuto ka nang magtiis sa init ng kumukulong asupre sa DDA. At sa tingin ko e wala ka nang nakikitang mga kagaya ni Matusalem na inabot ng halos 1000 years old.

Pwede bang hindi na? 

Ikaw naman... ang mga karakter sa Bibliya nga e nagpatule gaya ng mga propeta. Pati nga itong pinakaimportanteng karakter na ang buhay e ginawang basehan ng santambak na pelikula at musical - si Hesus - e dumanas rin nito. Kung si Hesus nga nagpatule, ikaw pa? E anak na ng Dios 'yun, pero hindi pa rin exempted. 

"21 And when eight days were accomplished for the circumcising of the child, his name was called JESUS, which was so named of the angel before he was conceived in the womb. -Luke 2:21"

Sa katunayan nga e isa sa mga sagradong relic ng mga Katoliko ang balat na pinagtulian ni Hesus o kilala bilang Holy Prepuce. Ninakaw iyon sa panahon natin at kasalukuyan pa ring pinaghahanap. 

Hindi ba grabe naman ang parusa dahil lamang hindi nakapagpatapyas ng kaunting balat? DDA agad, ganun?

Sa katotohanan laang e binuwag itong lahat sa Bagong Tipan. Hindi na ito itinuring na mahalaga ng mga disipulong taga-sunod ni Hesus. Ipinangaral nilang mas importante kesa sa pagtatapyas ng balat ang ating kabutihan. Sinasabi sa Romans 2:25-26 na kung ikaw e umaaktong masama, para mo na ring kinubong ang pagkatule mo. At ang supot, bagama't supot kung gumagawa ng kabutihan e nagiging para na ring tule.

"25 For circumcision verily profiteth, if thou keep the law: but if thou be a breaker of the law, thy circumcision is made uncircumcision. Therefore if the uncircumcision keep the righteousness of the law, shall not his uncircumcision be counted for circumcision? -Romans 2:26"

Nasa iyo na iyun kung gusto mong patule o hinde. Sa totoo laang, sa panahon ngayon, maraming Kristyano, lalo na sa ibang bansa, ang mga supot dahil ang mas mahalagang tuliin e ang ating mga puso kesa ang ating mga ari.   

At dahil sa binagong batas na ito sa tule, naengganyo nila ang mga hindi Hudyo para makianib sa bagong relihiyong ito, gaya ng mga Romano. 

Yun nga laang, sigurado akong turn off sa mga Pinay iyon.

Klasiko Komiks #1: Mi Ultimo Adios

Mula sa panulat ni RR Marcelino, dibuho ni Nestor Redondo at pambubulastog ko: Mi Ultimo Adios: Ang Huling Sinulat ni Jose Rizal. Pasasalamat sa Video 48 para sa mga ninakaw kong larawan. 

1

2

3

4

Adding an Extra 'H' to Your Lousy Name Doesn't Make it a Cooler Nick Name

llan sa mga kaibigan ninyo ang me dagdag na ‘h’ sa spelling ng pangalan nila? Ang ibig kong sabihing dagdag na ‘h’ e ‘yung mga pangalang ‘di naman dapat merong ‘h’ pero dinagdagan ng letrang ‘h’, gaya ng ‘Bhong’, ‘Mhel’ at ‘Jhun’. Ngayon, i-divide mo ang dami ng kaibigan mo sa total number of friends mo sa  Facebook at malalaman mo ang percentage ng mga tao sa buhay mo na dapat e hindi mo na kinakausap. Pag lumampas sa 20%, dapat mong pag-isipan ang nangyayari sa buhay mo ngayon at bakit ka nasadlak sa ganyang grupo ng mga tao.

Gaanong kalungkot ng buhay ng isang tao para dagdagan nila ng ‘h’ ang pangalan nila? At isiping magiging mas interesting ang pangalan nila ‘pag meron nito? At para magalit at iwasto ka pa tuwing ‘nagkakamali ka ng spelling’ ng pangalan nila tuwing maglilista ka ng pangalan ng gustong magpadeliver ng pizza?

Ilang bese ko bang sasabihin sa 'yong 'Mhel' 'yun at hindi 'Mel'?!

Alam kong hindi tayo ang pumili ng mga pangalan natin at ang mga magulang natin ang nagbigay nito sa ‘tin nung tayo e mga wala pang malay pumili ng malulupit na pangalan gaya ng Kraven, Magnus, Ace, Django, Darth Vader, Sinister, atbp. kaya’t naiintindihan ko ang pangangailangan nating umisip ng mga magagandang palayaw. Kung ako ang pipili ng pangalan ko, Hagibis Parsons ang gusto ko. Sa mga naiisip nating palayaw, pakiramdam natin e tayo ang me-ari ng ating pagkatao o identity. Hindi gaya ng isinalpak laang na basta-bastang pangalan sa ‘tin ng mga magulang natin, gaya ng ‘Rupert’, ‘Harold’ at ‘Teresita’.  At sa palayaw na naiisip natin sa sarili natin, pakiramdam natin kaya nating pagharian ang mundo. Kahit na ito e kasing-simple laang ng ‘Boy’ o ‘Obet’.

Pero kung wala kang creativity na mag-isip ng tunay na palayaw at sa tingin mo e ang pagdaragdag mo ng ‘h’ sa pangalan mo e instant cool ang epekto, e isa kang hunghang with a capital H. Oo, tinatawag kitang hunghang. Wala akong pakelam kung me PhD ka pa. Ilang taon man ang ginugol mo sa eskwelahan para magkatitulo ng ‘Dr’ e ibinasura mo sa loob ng isang segundong ginugol mo para itayp itong extra ‘h’ sa pangalan mo sa Facebook. Walang binabago ang ‘h’ sa bigkas ng pangalan mo, isang katotohanang kitang-kita tuwing tatawagin ka ng mga kaibigan mo: ‘Mhar’, ‘Jhen’ atbp. Maiintindihan ko pa, kahit na hindi ko kinatutuwaan, kung ito e me pagbabago sa bigkas ng pangalan mo dahil mababago ang tunog ‘pag ikinabit sa mga titik ‘t’ at ‘p’ halimbawa. Gaya ng ‘Thim’, ‘Thon-Thon’, ‘Pham’ atbp. -‘yun e kung bibigkasin mo o nila nang ayos.

Hindi nickname ang pagdaragdag ng ‘h’ sa pangalan. Tandaan nyo ‘to.

Ngayon, ibang usapan naman kung hindi ikaw ang pumili nyan at ‘yan talaga ang pangalan mong nakalagay sa binyag at birth certificate. Ang tinutukoy ko e ‘yung mga talagang isiniksik sa pangalan nila ‘yung ‘h’. Ewan ko kung iyon ang tunay na pangalan ni Vhong Navarro.

At bakit ako nasosora sa dagdag na letrang ‘to? Dahili ito e basura sa mata, basura sa wika, basura sa gumaganang sistema ng mundo. Pag nagdagdag ka ng isang ‘h’, sino ang pipigil sa ‘yo para magdagdag ng 30 na ‘h’ sa pangalan mo ha? Gaya ng ‘Stevhhhehhnhh’, ‘Ghaihlhh’, ‘Sahhhmh’ o ‘Pauhhhlhhhlh’. Gusto mo pala ng ‘h’ sa palayaw mo e ‘di magpatawag ka ng ‘Hahashtari’. At least, tunay na pangalan ‘yun. Kung papayagan natin ‘to sa pangalan, e sino ang pipigil sa ‘tin para gawin ‘to sa ibang salita, gaya ng ‘Khumhainh nha akho. Tenk yu.”

Bago ka isinilang e me nakaisip ng sistema ng pagsulat, ng pagbabaybay ng mga salita, kasama na ang mga pangalan. Sino kang ipinanganak nang lampas sa taong 1950 para baguhin ‘to? Isa kang kupal para baguhin ‘to.

Ni hindi ko na sisimulan pang magreklamo tungkol sa mga me ganitong pangala’t aksaya laang ng panahon: R013131e, 6h16h1e, atbp. 

Dapat Bang Ipagbawal na ang Penitensya?

Napapansin kong umaani ng puna at batikos ang mga nagpepenitensya, naghahagupit ng likod at nagpapapako sa krus. Maraming kumokondena sa sinaunang pamamaraang ito ng pagtitika at paggunita sa pagdurusa ni Hesus, mula sa mga bible-based Christians, kapwa Katoliko hanggang sa mga ateista. 

sampol: Basahin nyo ang mga comments sa isang article na ito ng News Vice. (Note: Hindi Easter ito, kundi Good Friday at alam nyo nang mga Pinoy iyon.)

Mga Batikos

Una, hindi ito ineendorso ng Simbahang Katoliko kaya't kahit mismong mga Katoliko e kinukunutan ito ng noo. Kung mismong Simbahang Katolikong kinabibilangan ng mga debotong ito e hindi sumasang-ayon, ano na laang ang sasabihin ng mga bible-based Christians sa isang gawaing sa kanilang pananaw e ginawa't tinapos na ni Hesus? 

Pangalawa, sa makabago't sibilisadong panahong ito, nagmumukang isang gawaing barbaro ang sundin pa ito dahil ito e bayolente. Siguradong kokontra rito ang mga nanay na me kagagawan kung bakit naging Rated PG ang WWE at sasabihing hindi dapat ginagawa ito sa isang pampublikong lugar kung saan pwedeng makita ng mga bata. 

Pangatlo, ikinahihiya ng mga Pinoy na makita ng mundo, gaya ng sa YouTube ang mga kalahi nating nagbi-BDSM na me temang Kristyano. Hindi ang mga walang kwentang costumes, acting, props o production nito ang inaangalan ng mga ito, kundi ang ideyang nagmumuka tayong mga hunghang sa mga mata ng ibang bansa. Kumbaga sa isang salu-salo sa bahay, ang mga debotong ito ang mga tambay na tiyong lasenggong kinahihiya nila sa mga bisita. Nagmumuka raw kasi tayong savages, 'ika nga. 

Idagdag pa riyan ang problema ng posibilidad ng pagkahawahan ng mga sakit nahahawa sa pamamagitan ng dugo, gaya ng hepa.

Greatest Show on Earth

San ka makakakita ng isang palabas na merong aktwal na pumipilansik at tumatagas na dugo? Gaanong kadlas kang nakakakita ng mga nagrarambulan gangs hanggang sa magkaduguan nang hindi ka nalalagay sa isang witness protection program o kaya sa isang police station? Malamang ang pagkakataong nakakita ka ng dugo e sa gamit na sanitary napkin.

Ang penitensya ang sumasagot sa uhaw ko sa dugo sa paraang hindi ko na kailangang magtayo ng isang hostel para sa mga Puti. Kung hindi nga laang traffic at hassle, dadayo ako sa Pampanga para makakita ng mga nagpapapako sa krus. At para na rin bumili ng tocino. Teka, mukang hindi magandang ideya ang bumili ng tocino sa araw na nagtatalop ang mga balat ng mga deboto. Basta, balang araw baka pumunta ako run para makasaksi ng mga palad na binabaunan ng pako. 

Para sa kin, dapat ipagpatuloy ito. Tourism. Sa dami ng mga kumukutyang taga-ibang bansa, meron sa mga iyon ang naku-curious at gustong mapanood ang freak show na ito nang personal. Papasukin sila't salubungin ng mga yakap at ating pagkaperahan ang mga gustong makakita ng pamperyang palabas. Mula sa mga tutulugan nila sa gabi hanggang sa bote ng mineral water, gagasta ang mga turistang ito at makikinabang ang bayan ng Pampanga.

Pwedeng i-donate sa mga blood bank ang dami ng dugong nawala sa lalaking ito.

Bayolente ba 'kamo ang pagpepenitensya? Kung pinapayagan nating magbasagan ng muka ang mga boksingero para sa kanilang personal na tagumpay (o Pinoy Pride), bakit hindi hayaan nating ipagpatuloy ng mga barbaro ang kanilang debosyon? Sarili naman nila ang hinahagupit o ipinapako nila sa krus. Kapag ikinumpara sa mga attractions gaya ng mga hayop sa zoo, mas naaalagaan pa nga ang mga nagpapako sa krus. Merong mga medical team na nakatambay sa tabi para magbigay-lunas pag merong nangyaring mali at sinisiguro nilang hindi matetetano ang mga ito. 

At nakita nyo na ba kung gaano kaliit ang mga pako? Hindi iyon katulad ng sa pelikula ni Mel Gibson. Maliliit laang iyon. Ito ang dahilan kung bakit hindi ako pumupunta run. Malamang madidisappoint laang ako. Maliliit na sugat laang iyon na ine-exaggerate laang ng theatrics. Kumbaga sa wrestling speak e sine-sell laang nila nang todo 'yung moves ng kalaban nila, ala-Ric Flair, na akala ko noon e talagang nabalian ng buto nung nahulog sa hagdan sa kauna-unahang Money in the Bank sa WrestleMania. 

Atungal = theatrics.

Tutal, karamihan sa mga Katolikong Pinoy e 'nagsasakripisyo' kapag panahong ito. Sa anong klase ng paraan sila nagsasakripisyo? Umiiwas sila sa karne. Hindi ba't sakripisyo rin iyun? 

"How inconvenient nga naman ang kumain ng steamed tilapia, sinigang na hipon, adobong puset, ginataang alimasag at buttered tahong. I'm sure Jesus who suffered huger, thirst, beatings, 39 lashes, mockery, receiving a crown of thorns and getting nailed to a cross would be impressed to see you sacrificing your gastronomic urges for meat in favor of some dishes that are listed in Deuteronomy as something you should not eat." -malamang na linya ng isang deboto.

Ang naririnig na boses sa ulo ng mga debotong penitente.

Para sa akin, walang karapatang husgahan ng mga umiiwas sa karne ang mga debotong ito at sabihing mga tanga sila dahil hindi na nila kailangang gayahin ang pagdurusang ginawa ni Hesus. At least ang mga penitente e nagko-commit sa ideya ng sakripisyo at hindi laang nagsasakripisyong-kike para masabing sila e nagsasakripisyo't nakikiisa sa pagdurusa ni Hesus.  

Wala akong pakialam sa opinyon ng mga bible-based Christians at wala nang magagawa sa mga iyon sa mga usaping hindi nakasulat sa Bibliya. At wala ka ring mapapala sa mga ateista kahit meron kang pagbabasehang berso sa Bibliya. Ang mahalaga rito e ang opinyon ng mga Katoliko dahil mga pang-Katoliko naman talaga itong bakasyong pagdiriwang na ito.

Kanya-kanya laang ng paniniwala iyan at karamihan sa Pinoy e ang kinagisnan ang sinusunod. Merong umiiwas ng pagkain ng karne, merong nagbibisita Iglesia, nagpuprusisyon at sa kaso ko nanonood ng rock operang Jesus Christ Superstar. Muka laang karumal-dumal ang penitensya dahil sa dugong lumiligwak, pero iyon ang kanilang gustong gawin at hindi nila inoobliga ang ibang gumaya. Hangga't hindi sila namimili ng mga kriminal sa oblo at pinapako nila sa krus, ayos laang ito at atin nang pagbigyan.

Pero kung ito o paborito mong nangungurakot, baka ayos ring i-televise.

Kristo Komiks #2: Ang Sentensya

Matapos ang paglilitis (Kristo Komiks #1) na isinagawa ni Pilato, ipinasa niya si Hesus ke Herodes. Doon e binuyo sya ni Herodes na magmilagro. Hindi natinag si Hesus at hindi pumayag na magmukang circus act. Sa nadaramang pagkabagot, ibinalik ni Herodes si Hesus ke Pontio Pilato. 

1

2

3

4

Not-So-Obscure Bible Verses #4. Ibinigay ni Hesus sa Isang Con Man ang Kaligtasan

Sa tingin ko e walang hindi nakakaalam ng kwento ng dalawang magnanakaw nung ipinako sa krus si Hesus. Sa tradisyong Romano Katoliko, kinikilala ang dalawang ito bilang Dismas (Dimas sa Tagalog) at Gestas (Hestas sa John En Marsya). Dito e malalaan kung alin sa dalawa ang holdaper at alin ang con man. 

Ang eksena: Nakabayubay sa krus ang tatlong naparusahan ng kamatayan. Walang nakikitang pag-asa ng pagtakas. Mamamatay silang tatlo sigurado. Sa gitna ng tatlo e si Hesus.

Ating tandaang ang nakapako sa krus at pinatutungkulan ng dalawang magnanakaw e isang taong nasentensyahan ng kamatayan at pinaniniwalaan ng ilan bilang ang Mesiyas, ang Anak ng Dios, verbong nagkatawang tao - in short, makapangyarihan at least.

Bago ako humantong ke Dimas, ating himayin kung tama ba ang ginawa ni Hestas. Ano ang nasa kukote ni Hestas nung sinabi nya iyon? Merong dalawa laang na posibilidad sa katotohanan kung si Hesus e tunay ngang ang Mesiyas. Malamang e hindi naniniwala ang magnanakaw na si Hesus ang Tagapagligtas kaya niya nilibak nang ganun. At para saan? Ano mahihita niya run? Magpaka-cool sa harap ng mga Romano? Makapagbunton ng init ng ulo? E paano kung si Hesus nga ang Mesiyas? Ganung tono ba ang dapat mong gamitin sa Anak ng Dios na merong super powers na pwedeng maglitas sa iyo o gawaran ka ng parusa, gaya ng gawin kang isang palaka? 

Sa kaparehong puntong ito ko kinukwestyon ang sinseridad ni Dismas o ang magnanakaw sa kanan ni Hesus. Ilagay mo ang sarili mo sa sitwasyon nya. Nakapako ka sa krus at bilang na ang oras o araw mo sa mundo. Wala ka namang nakikitang paraan para makaeskapo. Sa tabi mo e isang taong sinasabing 'Anak raw ng Dios'. Ibig sabihin nito e meron syang kakayahang makapagligtas sa mga pamamaraang hindi nasasaklaw ng paliwanag ng rason. At nakita mong hindi umepek ang paghahamon ng hunghang na si Hestas. Matapos nyang sabihn iyon e hindi naman nagtawag ng hukbong reresbak at magbababa sa inyo sa krus si Hesus. Ano ang tamang gawin, libakin rin ang 'Mesiyas', gaya nung kupal na si Hestas o gamitin ang sitwasyon bilang huling galaw ng desperasyon, ala-Hail Mary 'ika nga? Ipusta na laang kaya niya ang lahat sa maliit na pagkakataong baka iyon nga ang hinulaang Tagapagligtas? 

Naniniwala kaya si Dimas na si Hesus e ang Anak ng Dios? 

Naunahan ng dalawang milenya ni Dimas si Pascal sa kanyang Pascal Wager na nagsasabing (1) kung totoong merong diyos at ikaw e naniwala, maganda ang kalalagyan mo sa Langit at (2) kung wala ngang diyos at wala ring buhay sa kabila, walang mawawala sa iyo kung naniwala ka. 

At ito ang ginawa ni Dimas. Itinaya nya ang kanyang kaluluwa sa isang ideyang baka meron ngang buhay sa kabila dahil wala na syang aasahan sa buhay na kinasasadlakan nya nung mga oras na iyon. Kilala nya ba si Hesus nang sapat para maniwalang siya nga ang Anak ng Dios? Narinig nya ba ang mga aral nito, gaya nung pambatong Sermon at the Mount? Narinig nya ba ang katanyagan nito sa pagpapagaling ng mga ketongin, pagpapalakad ng mga pilay, pagbibigay-liwanag sa mga mata ng bulag, pagpapabangon ng bangkay? Iniisip nya kayang kaya siyang buhayin muli ni Hesus, gaya ng ginawa nito ke Lazaro? O tunay na naniniwala siyang ang ito nga Mesiyas na minsan niyang narinig at nasa hula ng mga propeta sa Lumang Tipan? 

Ito ang pinakasentro ng aking pagdududa sa motibo ni Dimas ang Penitent Thief. Kahit sa mismong disipulo ni Hesus na kanya pang nakasama at namalas ang kanyang mala-Diyos na kakayahang lumakad sa tubig at magpakalma ng bagyo e meron pang nagdudang sya e bumalik mula kamatayan. (Yup, ikaw Doubting Thomas ang tinutukoy ko.) Ang isa pang magnanakaw na nakatsamba laang na maging crucifixion buddy ni Hesus ang maniwala agad?

Not meant to be homoerotic.

At alam nyo na ang mga sumunod na eksena. Ibinigay ni Hesus sa kanya ang Kaligtasan. Ginawa pa syang santo ng Romano Katoliko at Eastern Orthodox Church. 

Ang Iglesia ni Dimas: Ang Madaling Daan

Kung meron man ritong aral para sa mga taong matigas ang puso sa mensahe ng bibliya, iyon e ang pwede nyo pang ipagpabukas ang pagbabago. Kung hindi solb sa inyo ang ideya ng Kaligtasan base sa inyong mga pari at pastor: pag-aabala sa pagdakila sa Dios ng isang beses sa isang linggo kasama ng maraming mga ipokrito't nakakatamad na balana, pagbibigay ng ikapu o donasyong sana e pinanggagasta nyo na laang sa ibang luho, pagkanta, pagsaulo ng mga dasal at kung anu-ano pang abala, ito ang relihiyong para sa iyo.

Ipinakita na ni Dimas ang pinakamadaling daan, ang loophole at short cut sa Kaligtasan. Pwede kang mamuhay nang gaya ng ginagawa mo ngayon, paporn-porn, patorrent-torrent at kung anuman ang pinagkakaabalahan ng mga taong kagaya mong nagbabasa ng blog ko. Hindi mo kelangang manamit nang pormal, makipagsapalaran sa traffic para makarating sa simbahan nang maaga, mag-like sa Jesus Daily sa Facebook, etc. Ang tangi mong lang dapat tandaan e ang dasal ni Dimas na nakasulat sa bersong ito tinatalakay ngayon. Gagawin mo laang ito sa tuwing pakiramdam mo e ikaw e mamamatay na, gaya ng pagsikip ng dibdib mo matapos mong lumamon ng isang malaking piraso ng crispy patang pulutan mo sa iyong Ginebra. Kailangan mo laang gayahin ang paraan ng pagsambang sinasabi ni Homer sa The Simpsons Movie.
   

" Why can't I worship the Lord my own way, like praying like hell on my deathbed?"   

Pwera na laang kung nagsisinungaling at pinagtitripan laang pala ni Hesus si Dimas.

6 na Prediksyon ko sa Pacquiao vs Bradley Fight

Bakit ko hahadlangan ang sarili kong magmarunong sa boxing at gumawa ng aking prediksyon kahit na ang pinakahuli kong suntukan e sa isang ex-con na pinakyuhan ko sa liga? Kalimutan na laang nating nung sumuntok ang kaaway ko sa basketbol e nasalag ko iyon at nasipa ko sya papalayo at naawat kami ng referee at mga kakampi namin. Basta, naging eksperto na ako sa suntukan magmula ng araw na iyon. Pag hindi ka napataob ng isang ex-con na merong mala-kalabaw na katawan at nakahugot ka ng draw, pandagdag na iyon sa iyong street cred.  

Recap natin: Talo sa desisyon sa unang laban si Pacman. Pagkatapos nun e natalo uli siya ke Marquez, ang Mexican-Executioner Executioner. Tapos e nanalo siya sa isang jobroning hindi ko na matandaan ang pangalan at nakaligtas sa isang palaos na pagreretiro. 

Nanalo naman si Bradley sa pamamagitan ng 'smart boxing' o 'yung boring na laban kung saan nagpaparamihan na laang suntok na mailalanding at walang knockout o kahit man laang knockdown. Kung sino ang kalaban, nalimutan ko na rin. Basta jobroni rin malamang iyon.

Narito ang aking limang prediksyon: 

1. Babanuin na naman ng kung sinong kakanta ng Lupang Hinirang ang ating national anthem. 

Sinumang Pontio Pilatong kakanta sa national anthem natin e sigurado akong bababuyin laang nila ito dahil gagawin na naman nilang ballad ang dapat e martsa: Martin Fucking Nieverra, Jessica Sanchez, yung isang bubaeng naka-Imelda gown at ang pinakabantog sa pambuburaot ng lyrics na Christian Bautisa. Lahat ng ito e daplis ang tirada sa isang astig na martsang dapat e tunog gera at hindi lab song. Nakakasiguro akong ganito uli ang kauuwian ng ating pambansang awit dahil puro balladeer ang kinukuha natin para kumanta nito. 

Hindi ba pwedeng isang marching band o kaya metal band ang kumana nito? Makakaasa kang maraming magkokomento sa kakanta nito na akala mong American Idol ang pinapanood nila dahil maraming gustong magpakaeksperto sa lahat ng aspeto ng boksing. Sigurado kang... 

2. Maraming Pinoy na hindi man laang nakahawak ng gloves o nakapag-igkas ng suntok sa buong buhay nila ang magmamarunong at magiging boxing expert. (O kahit nagbabasa man laang tungkol sa boksing.)

Sisimulan nila ito sa prediksyon ng kung anong round matatapos ang laban o kung ito e aabot sa decision. Sa gitna ng laban, siguradong kokontra sila sa mga gagawin ng referee, mula sa pagbilang nito hanggang sa pagbubulag-bulagan sa mga makakalampas ng 'pandaraya'. Mag-iiskor rin sila ng mga rounds na akala mong nakatungtong sila sa isang boxing ring. At kapag umabot sa desisyon ang laban sasabihin nila kung ilan at aling round sa tingin nila nanalo ang manok nila, lalo na kung maoolats ang manok nila. Isantabi muna natin ang ideyang sila e hindi mga eksperto. Isipin na laang nating sila e nag-iiskor, gamit ang anggulo ng mga camera sa TV. At dahil maraming magmamarunong...

3. Magkakaroon ng mga headline na me kinalaman sa argumento sa labang ito kinabukasan.     

Note: Hindi aktwal na larawan

Titigil man ang krimen dahil pati magnanakaw raw e manonood sa laban ni Pacquiao, kinabukasan naman e magkakaroon ng mga headline ng saksakan, urakan, barilan, pambunuang kunketado sa labang ito. Kakambal na sa karamihan ang alak sa panonood nito. At isang nakamamatay na kumbinasyon ang alak, argumento at ang hindi pagkampi ke Pacquiao kung ikaw e nasa Pinas. Pag kumampi ka ke Bradley, e para ka na ring nanggaling sa angkan ng mga Makapili noong panahon ng mga Hapon. Walang Pinoy ang tatanggap sa ideyang kakampi ka sa ibang lahi. Kung meron mang sang-ayon sa iyo e iyon mga maka-Bradley, mga troll o kaya e mahusay sa pustahang hindi ginagamit ang puso at sa halip e kukote nya sa pagpili ng magbibigay sa kanya ng pera. At ang isang sa pagmumulan ng pagtatalong ito e me kinalaman sa pamahiin/ relihiyon, kaya't...

4. Merong mga mag-aabang kung isusuot ni Manny Pacquiao ang kanyang rosaryo at titingnan kung ikakapanalo nya ito o ikatatalo. 

Maaalalang nung na-knockout si Manny ke Marquez, sinabi ng kanyang inang iyon e dahil sa kanyang desisyong talikdan ang kanyang pagka-Katoliko. Sinisisi ang hindi nya pagsusuot ng rosaryo papasok ng ring. Nakalimutan na raw niya ang tunay na Dios ng mga Katoliko at inilihis sya ng mga pastor. Kumbaga e para syang kriminal sa pelikula ni Ramon Revilla Sr. na nalimutang dasalan ang kanilang anting-anting kaya't tinablan ng bala. 

Kung meron mang dapat sisihin sa pastor e iyon e yung pagiging sanhi ng pagpupuyat ng boksingero sa halip na nagpapahinga dahil sa sanrekwang bible studies. Kalimutan na natin ang isyu at pinakapuno ng lahat ng bible studies na ito - pamemera - dahil wala akong pakelam sa reliyon ni Pacquiao. Kahit mismong si Papa Roach e nauurat na sa mga pastor na ito at dineklarang hindi Dios ang magbibigay ng tagumpay ke Manny. 

Key to Pacquiao victory: Wearing the rosary and making the sign of the cross

Ewan ko kung bakit hanggang ngayon e meron pa ring naniniwalang namimili ng gusto niyang manalo sa isang sport ang isang diyos. 

Manalo man o matalo si Pacquiao dahil sa 'rosaryo', malalaman mo malamang kung sino ang nanalo bago pa matapos ang broadcast sa iyong local channel dahil... 

5. Maraming kupal na mang-iispoil ng resulta ng laban sa kanilang Twitter o Facebook. 

Noong hindi pa uso ang mga smart phones, tablets at kung anu-ano pang gadgets, e uso na ang mga taong spoilers. Nung panahon pa ng Friendster e meron na akong isinulat na ring ganito. Inispoil ng kabarkada kong nanood sa sinehan ng laban sa gaya kong nanood sa TV na merong patalastas kung sino ang nanalo sa pamamagitan ng text. Oo, text pa iyon ha. Naisipan niyang magandang ideya ang lumikha ng mensahe, isa-isahin ang mga kaibigan niya sa address ng phone nya at i-click ang send button para ipaalam na nanalo si Pacquiao, pati ang round kung saan naganap ang knock out.

Paano pa ngayong panahon ng social media? Walang hahadlang sa mga itong ipangalandakan sa mundong alam na nila kung sino ang nanalo sa isang boxing match. Ang pinagkaiba laang nito sa ikinwento kong karanasan e meron kang magagawa sa bagay na ito: I-off ang cell phone at tablet kung ayaw mong masira ang panonood mo. At sa ngayon, wala silang utang na loob sa iyo at hindi sila mangingiming isambulat kung sino ang nanalo at bilang manonood, responsibilidad mong hwag mag-online 'pag ayaw mo ng spoilers. Hindi mo na nga sila matatawag na kupal ngayon dahil hindi ka dapat nag-oonline kung ayaw mo ng spoilers. Pasensya ka na laang kung hindi ka pwedeng manood nito ng live dahil meron kang kaibigang nag-iskedyul ng kasal sa araw na ito at ikaw pa ang best man. 

Buti na laang at libre ako dahil Linggo ang laban. Hindi naman ako ng nagsisimba kaya't...
  

6. Panonoorin ko pa rin ang labang ito sa pag-asang meron akong mahihita kahit na alam kong mababagot laang uli ako sa labang ito. 

Okay, parang hindi nga ito prediskyon, pero parang pansarili ko laang ang hulang ito. Hindi ko alam kung maraming kagaya ko ang nararamdaman.  

You got civilized!

Nawawalan na ako ng interes sa boksing at nanonood na laang ako dahil ke gusto kong makita kung mababawi ni Pacquiao ang kanyang Eye of the Tiger. Sa mga huli kong napanood na laban (hindi laang ang ke Pacquiao) e puro sa desisyon nauuwi ang lahat. Hindi ko alam kung ito e isang tanda ng ebolusyon ng sport mula sa all-or-nothing days patungo sa era ng smart boxing o ano. Ang napapansin ko e puro mga ingat sa pagboboksing ang mga boksingero ngayon. Hindi ko sila masisisi at hindi ko kayang uminda ng ganung karaming suntok mula sa mga taong nagtraining para magpataob ng kalabaw. 

Pero, bilang manonood nawawala na ang igting, ang kaligayahan ko sa panonood. Puro yakapan, girian, pagtatanya. Kahit mismong si Pacquiao e hindi na gaya ng dati nya (dahil ba sa edad o para protektahan ang sarilnig kalusugang gayung meron syang hinaharap sa pulitika?). Hindi na kasing-intense. Sa ganun sya natalo ke Bradley nung una. Inakala nyang nangunguna na sya sa scoring. At ganun ang nakikita kong pamamaraan para manalo sa boksing ngayon, isang paraang mukang nakasanayan ni Bradley, base sa kanyang record. 

At sa tingin ko ganito uli ang mangyayari. Iiral ang ganung klase ng boksing, matatapos nang paganun-ganun laang, at "thank you, fans, sa ibinulsa naming milyun-milyong dolyar". Sa desisyon malamang ito mauuwi. At babalik tayo sa una kong hula tungkol sa sasatsat na mga eksperto sa boksing kinabukasan. 

Buti na laang at hindi pa pinagbabawal ang sabong ng mga tao. Kung gusto mong makakita ng mga nagpapanapok, mag-UFC ka na laang.      

Not-So-Obscure Bible Verses #3. Sinopla ni Hesus ang mga Bubaeng Hudyo

Sa mga Katolikong nagkukubol o nagbibisita Iglesia (walang kinalaman sa grupo ni Manalo) tuwing Semana Santa e hindi na kagulat-gulat na mabasa ang bersong ito. Itong bersong ito ang pinagbasehan ng ikawalo (sa luma) o ikasyam na istasyon ng krus. 

Naglalakad si Hesus pasan ang kanyang krus sa burol kung saan sya e ipapako sa krus para mamatay. Tandaaang galing sya sa bugbog at hagupit ng mga Romano, pagod, gulpi-sarado, gutom at uhaw, bahagya nang makagulapay at medyo matagal na ring nagtitiis sa mga nangungutyang Hudyo sa kaniya nung masabat niya ang mga bubaeng Hudyong umiiyak at nahahambal sa nakikita nilang pagpapasakit sa lalaking nagpapasan ng krus. Maaalalang pagdating sa pasensya, meron rin syang limitasyon gaya nung isinumpa niya ang fig tree minsang sya e hindi nabigyan nito ng bunga.

Kilala ba nang personal ng mga bubae si Hesus? O narinig laang nila ang kanyang kakayahang gawing alak ang tubig, magpagaling ng ketongin at magpalakad ng lumpo? O isa syang dayuhang hindi nila kilala, pero kanilang kinahahabagan laang talaga? Basta, nung dumaan si Hesus, sila e napanangis sa habag. 

Kahit siguro kayo kung me makita kayong ganito ang itsura sa labas ng isang ECW ring e mahahambal rin.

Paano nagreact si Hesus sa mga naawang bubaeng Hudyo? Sinabihan nya ba silang okey laang ang lahat? Aba'y hinde. Ito ang kanyang sinabi:  

At mga mukang hindi man laang natititigan...

Alam kong sa puntong ito e stressed out na stressed out na si Hesus at mahirap ang kanyang pinagdaraanan, pero bakit kailangang supladuhan niya ang mga bubaeng ito? Bakit kailangang ibunton itong pagka-bad trip nya sa mga bubaeng naaawa sa kanya? Bakit hindi sa mga Romanong sundalong nambugbog sa kanya? 

O kaya e gayahin sina Cachupoy at Redford White na imbes na magpakitang nasasaktan e tumawa habang tinotortyur.

Ewan ko, kung hindi laang sya ang Mesias, malamang sasang-ayon kayong kakupalan iyon. Heto ang mga bubaeng nakikisimpatya sa kanya at sasabihan nya pa ng gayon. Parang pinapalakpakan ka ng fans mo habang nagsosolo ka sa gitara, tapos e papakyuhan mo pa. Hindi ba pwedeng kumumpas na laang sya't iparating na hindi nya kailangan ang kanilang luha, na parang madyikerong nagsasabing hindi pa tapos ang trick? 

Bagama't mala-kupal ang tiradang ito, mapapahanga ka sa wit ng linyang ito. Pipwede naman nyang sabihing ma maawa kayo sa susunod na henerasyon, pero kailangang ganun pa pagkakasabi. Para syang action star na sa gitna ng palitan ng putok e nagagawa pang magbitaw ng mga badass one-liners. Tandaang  nung sinulat ni Jose Rizal ang kanyang Mi Ultimo Adios bago sya bitayin e meron syang buong gabi para isulat ang first draft nito at i-proof read. Samantalang si Hesus e dun mismo at ora mismo e nakapaglubid ng malulupet na katagang bibitawan. 

Kaya't sya ang sinasamba ngayon ng mundo at si Jose e isang pambansang bayani laang. Aba't teka, sinasamba rin nga pala sya ng kulto ng Rizalista. Pero, kaya bang lumakad ni Pepe sa tubig? 

Nagpapatawa kaya si Hesus o nagpapakamakata nang sabihin niya ito? Bahay-batang hindi nagbunga? Susong hindi nasusuhan? Synecdoche o pagpapalit-saklaw ang tawag sa mga tayutay na ito, pero hanep sa kakwelahan. Dahil hindi sapat ang sabihing mapalad ang mga baog. Nung ako nakibisita Iglesia mga 15 taon nang nakakaran, itong estasyong ito ang napatapat sa akin para pamunuan ang pagbasa ng berso at pagninilay. Pigil na pigil ang pagbunghalit ko ng tawa nung mga sandaling iyon. Hindi laang sya magaling maghimala, magaling rin syang magpatawa.  

Hindi ko alam knug pang-ilan ito sa mga huling sinabi ni Hesus. Pangsampu? Panlabindalawa? Wala akong pakelam kung pangdalawampu ito, pero dapat pahabain ang Pitong Huling Salita ni Hesus para laang maisama itong binanggit nya tungkol sa mga bahay-bata at suso. Anong panama ng 'I thirst' sa hirit nyang ito? Ilang beses bang sinabi ni Hesus na sya e nauuhaw sa buong buhay nya? Napasama laang naman iyon dahil nataong nasasandwich iyon sa "My God, my God, why have you forsaken me?" at "Father, into your hands I commit my spirit." Ano ang panama ng isa pang halibawa ng pagpapalit-saklaw na ginamit nyang sikat na sikat na 'turn the other cheek' rito? 

Hindi lahat tayo e magkakaroon ng pagkakataong makapagsabi ng huling salitang aalalahanin ng ating mga mahal sa buhay, pero sana e meron akong maisip na kasing-astig nito pag dumating na ang aking sandali. 

Kristo Komiks #1. Ang Paglilitis

Katatapos laang hudasin ni Hudas si Hesus. Dinakip si Hesus at dinala sa mga Sanhendrin na pinamumunuan ni Caiaphas. Napagpasyahan nilang dalhin si Hesus ke Pilato,  ang malupet na Romano.

1

  

2

3

Ipagpatuloy ang pagbabasa sa Kristo Komiks #2.

Obscure Bible Verses #15: Genesis 34:14. Ang Paghihiganti ng mga kapatid ni Dinah laban sa mga Shechemites

Dinah and the Shechemites

Pagdating sa mga aksyon sa bibliya, ang pinaksikat e ang pakikipagdwelo ni David sa higanteng Goliath gamit ang isang tirador bilang sandata, ang pagpaslang ni Samson ng daan-daang kalaban gamit ang bungong panga ng leon at ang paggapi ni Gideon sa mga Midianites gamit e mga palayok at torotot. Meron ring isang Shamgar na kumitil ng buhay ng 600 (pero hindi mo nababalitaan dahil isang berso laang ang kayang ibigay ng Dios sa libro nya't naubos na ang espasyo tungkol sa yagbols). 

Pero hindi lahat ng mga tauhan ng Dios e meroong balatek, lakas ng kagaya ni Bernardo Carpio o kakayahang gumiba ng pader sa pamamagitan ng ingay. Ang iba e kinailangang gumamit ng utak para magwagi. Sa kwentong ito ng paghhiganti ng mga kapatid ni Dinah, e magmumukang children’s party ang Red Wedding ng Game of Thrones.

Ang pagkakasala

Naglalakad noon si Dinah, anak ni Jacob, para bisitahin ang kanyang mga amiga nang mamataan sya ng isang lalaking Shechem ang pangalan, anak ni Hamor. Hindi nag-aksaya ng oras at espasyo ang Genesis para isaksak sa atin ang eksena. Sa pangalawang berso pa laang gahasaan agad. At idinaan ni Shechem sa force si Dinah, Pen Medina style.

Tradisyonal na panliligaw ng mga Shcemites? 

Nain-lab naman pala itong si Shechem ke Dinah kaya’t ayaw niya itong idispatsang parang basahang matapos gamitin. Gusto niya itong pakasalan at hiniling nya sa ama niyang si Hamor na gawan ng paraan para sila e makasal.

Hambal at nanginginig ang kalamnan ng mga lalaking kapatid ni Dinah nang malaan ang naganap na paglulugso ng puri.

Ang pakikipag-ayos

Nakipag-usap si Hamor sa tribu nina Jacob na ipakasal na laang ang kanilang mga anak. Kabilang sa usapang ito ang pagsasanib ng kanilang tribu sa larangan ng kalakalan at mga ari-arian. Isang alay ng kapayapaan ang inialok ng kampo ni Hamor, kapalit ng pagpapakasal ng dalawa.

Pumayag ang mga utol ni Dinah sa isang kundisyon: Kailangang magpatuli ng lahat ng mga lalaking katribu ni Shechem, gaya nila, dahil hindi kaaya-aya sa kanilang Panginoon ang pagkakaroon ng balat na tumatakip sa ulo ng kanilang mga uten, ba syang nakasulat sa ating obscure bible verse. Ang kwento nina Dinah at Shechem e maihahambing kina Romeo at Juliet, pero sa imbes na Capulet at Montague, e mga tule at supot ang magkalaban. At hindi rin nga pala nireyp ni Romeo si Juliet sa una nilang pagkikita kaya't hindi rin pala pareho. Basta, tule vs supot.  

Aprub ke Hamor ang kundisyong ito, na walang kamalay-malay sa mala-Lanister na plano ng mga anak ni Jacob. Aba'y ano na laang ba naman iyung magpaputol ng konting balat sa uten? Malay mo nga nama't mauso rin iyon? 

Umuwi ang mag-ama sa kanilang bayan at ipinroklamang magpatuli ang lahat ng lalaki. Ibinenta nila ang ideya ng interracial marriage kung magaganap ang pagpapatuling ito, hindi laang sa kanyang anak, kundi pati na sa mga alipores nyang nasasakupan. Malamang e magaganda ang mga bubae sa tribu ni Jacob para pumayag amg tribu ng mga supot sa isang operasyong hindi nakasanayan sa kanilang lugar. At malamang e maganda ang testimonya ni Shechem dahil pumayag ang mga lalaki.

Ang Paghihiganti

“Ako na nga’t nakapanood na ako kung paano gawin iyan."

At nagpatuli nga ang lahat. Kung saan sila kumuha ng manunuli e hindi ko alam. Tandaang hindi sila nagtutuli kaya’t wala silang taong ganun ang tarbaho. Nag-imbita kaya sila ng taga-bayan ni Jacob para magpaturo kung paano magpatuli? Nagpa-seminar kaya sila? Nagpatalastas ba sila para opening sa tarbahong iyon o pina-outsource nila? O naisip nilang simpleng operasyon laang naman iyon at hindi naman gaanong kahirap maggayat ng balat ng uten kaya’t sila-sila na laang ang gumawa gamit ang sistema ng trial-and-error? Kumuha kaya sila ng matador sa palengke para magputol ng balat ng uten nila? O isinabay na laang nila ang pagpapatule sa mga asawa at nanay nilang nagluluto ng tanghalian habang naggagayat ng gulay at patatas? Hindi malinaw sa bibliya kung paano nila ito ginawa. Basta, ginawa nila at sila e natule. 

At sa ikatlong araw kung kelan masakit ang lahat – tandaang wala pang pampangimay o anesthesia noon – saka umatake ang mga kapatid ni Dinah at pinagpapaslang ang lahat. 

 

Matapos bumagsak sa kamay ng mga kapatid ni Dinah ang mga bagong tule, e isinunod naman nila ang pagkamkam ng mga baka, asno, yaman, mga asawa at mga anak nila. At kailangang idamay ang lahat? Pati mga bubae, hayup at mga batang walang kinalaman sa mismong panrereyp? Dahil lintek lang ang walang ganti. 

O kaya e makipagkilala at manligaw?

Ang Aftermath

Tutol si Jacob sa ginawang ito ng mga anak nya dahil pinabaho raw nito ang kanyang pangalan. Hindi laang ang reputasyon ang pinag-aalala ni Jacob, kundi pati ang kanilang kaligtasan. Maaaring maging mitsa iyon para resbakan sila ng mga kaaway. At dahil maliit laang ang kanilang pwersa e malamang na mapapahamak nga sila pag nag-anib ang kanilang mga kaaway para labanan sila. 

Ang sagot ng magkapatid? "Dapat ba niyang tratuhin syang parang puta?" 

Astig sanang one-liner ito, ala-action movies na Pinoy, kung hindi laang tanga ang dating nito. Tandaang outnumbered sila at dehado. Hindi sa kinokondena ko ang panggagahasa, pero nakikipagkasundo naman si Shechem sa kanila at ipapatule nya pa ang mga tauhan nya para maging katanggap-tanggap sila sa dios ng angkan ni Dinah. Sa katunayan nga, gusto nyang ibangon ang puri ni Dinah (na sya rin naman ang sumira) sa pamamagitan ng pagpapakasal sa kanya. At mahal niya pa nga si Dinah. Malamang nga e hindi ganun ang tamang panliligaw sa crush mong bubae at hindi mo dapat dinaraan sa dahas, pero naroon na iyo't nangyari na. Hindi na ba maitatama ng isang kasal ang kasamaang iyon? Isang kasal na me kasamang pagtutule sa mga Shechemites? Malamang nga e hinde. Pero anung kalaking pagresbak? Damay ang mga inosente? 

At tinanong rin ba nila si Dinah kung ayos laang sa kanya iyon? Malay mo sang-ayon naman siya sa ideya ng kasal. Hindi ba talaga nila mapalampas ang isang reyp o gusto laang nilang ilabas ang murder rage na namumuo sa kanilang yagbols? Makikita ang sagot sa mga mata ng magkapatid.

Meron pa ba tayong kapatid na babaeng pwedeng mareyp ng ibang tribu?